Araz Ata: İran hakimiyyəti dini azlıqlara qarşı inkar siyasəti yürüdür [Audio]

http://www.amerikaninsesi.org/audio/2490153.html

089D314E-68E5-4439-B766-87497EDD6BC4_w640_r1_s_cx0_cy1_cw0

İran Azərbaycanının əhli-haqq türklərindən olan Araz Ata İran İslam Respublikasının Azərbaycan vilayətlərində yaşayan dini və məzhəbi azlıqlara qarşı rədd və inkar siyasəti yürütdüyünü deyir. Güneydə yaşayan ələvi ya əhli-haqq türklər üzrə araşdırmalar aparmış fəal Amerikanın Səsinə müsahibədə İran hakimiyyətinin ölkədə yaşayan qeyri-fars və qeyri-şiə toplumlara qarşı yürütdüyü siyasəti dəyərləndirməklə yanaşı mənsub olduğu cəmiyyətin məruz qaldığı basqılar və ayrıseçkilik hallarını şərh edir.

http://www.amerikaninsesi.org/externalaudio-FLRM/Audio/2490153.html

Onlar İslam dinini özlərinə məxsus olan vilayət-i fəqih məntiqinə görə şərh edərək hökümət etdikləri kimi, həmin zehniyyət əsasında Güney Azərbaycanda yaşayan etniklərin həm adlarını həm də inanclarını təhrif etməyə çalışırlar.
Araz Ata
İran Azərbaycanında yaşayan türklərin əksəriyyəti şiə məzhəblidir, ancaq digər inanclara mənsub olan toplumlar, o cümlədən əhli-haqq/ələvilər, sünnilər, bahailər və xristianların da sayı az deyil. Güneydə ən çox əhaliyə sahib olan təriqət azlığı əhli-haqq cəmiyyətidir.

Araz Atanın sözlərinə görə, çox sayda əhli-haqq basqı və zülmə məruz qalmamaq üçün təqiyyə edərək özünü şiə kimi təqdim etməyə məcbur qalır.

O, İranda həm qeyri-fars etnik qruplar, eyni zamanda dini və məzhəbi azlıqlara qarşı inkar siyasətinin yürüdülməsininin standart praktikaya çevrildiyini söyləyir.

Dini azlıqlar üzrə prezident müşaviri olan Əli Yunesi Azərbaycan türklərini “şiə azərilər” kimi təqdim edir.
Dini azlıqlar üzrə prezident müşaviri olan Əli Yunesi Azərbaycan türklərini “şiə azərilər” kimi təqdim edir.
Kanadada mühacirətdə yaşayan güneyli araşdırmaçı Həsən Ruhani hökümətini təmsil edən rəsmilərin Azərbaycan əhalisinin “Şiə və Azəri” olduğunu irəli sürərək, onların hər hansı bir etnik ayrı-seçkiliyə məruz qalmadığına dair iddialarını sərt şəkildə tənqid edir.

“Onlar İslam dinini özlərinə məxsus olan vilayət-i  fəqih məntiqinə görə şərh edərək hökümət etdikləri kimi, həmin zehniyyət əsasında Güney Azərbaycanda yaşayan etniklərin həm adlarını həm də inanclarını təhrif etməyə çalışırlar,” deyə o dilə gətirir.

Şərqi Azərbaycan vilayətində şiələrdən sonra ən çox əhaliyə sahib olan məzhəbi qrup qızılbaş əhli-haqlardır. Bu qrupları şiə adı altında dəyərləndirmək İranda çeşitli kimlikləri sistemli şəkildə inkar etmə və yox sayma siyasətinin bir parçasıdır.
Araz Ata
Araz Atanın dediklərinə görə, rəsmilər özlərini türk olaraq tanıyan Azərbaycan əhalisinin əksəriyyətini azəri kimi təqdim edib, həmçinin bölgədə yaşayan qeyri-şiə və qeyri-türk azlıqları yox sayaraq gerçəkləri danıb və Azərbaycan torpaqlarında xəyali və qondarma bir kimlik anlayışı yaratmaq istəyirlər.

“Şərqi Azərbaycan vilayətində şiələrdən sonra ən çox əhaliyə sahib olan məzhəbi qrup qızılbaş əhli-haqlardır. Bu qrupları şiə adı altında dəyərləndirmək İranda çeşitli kimlikləri sistemli şəkildə inkar etmə və yox sayma siyasətinin bir parçasıdır,” deyə o, əlavə edir.

VOA Amerikanin Səsi

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s